‘नेपाल फिल्म क्याम्पस’ काठमाडौंमा खुल्यो

काठमाडौं- चलचित्र अध्ययनका लागि नेपालमा नयाँ क्याम्पस स्थापना भएको छ। चलचित्रमा चार वर्षीय स्नातक अध्ययनका लागि आइतबारबाट ‘नेपाल फिल्म क्याम्पस’ सञ्चालनमा आएको हो।

त्रिभुवन विश्व विद्यालयसँग सम्बन्धन प्राप्त गरी नेपाल फिल्म क्याम्पसमा यसै शैक्षिक सत्रबाट फिल्ममा स्नातकको अध्ययन सुरु गराउन लागेको क्याम्पसका प्रिन्सिपल शिशिर उप्रेतीले बताए। काठमाडौंको बानेश्वरमा रहेको यो क्याम्पसका प्रसंगमा आइतबार पत्रकार भेटघाट आयोजना गर्दै प्रिन्सिपल उप्रेतीले कलेजले फिल्म अध्ययनका लागि भर्ना सुरु गरेको र नेपाली मात्र नभएर दक्षिण भारतीय तथा अन्य देशका विद्यार्थीहरुलाई समेत लक्षित गरेर यो क्याम्पस सञ्चालनमा ल्याएको बताए। यस अघि फिल्म अध्ययनका लागि नेपालमा एउटा मात्र कलेज भएकाले यसपटकबाट आफुहरुले पनि सुविधा सम्पन्न नेपाल फिल्म क्याम्पस सञ्चालनमा ल्याएको प्रिन्सिपल उप्रेतीले जानकारी गराए।

दक्षिण एशियामै फिल्म अध्यापन सम्बन्धि कम कलेज भएको बेला आफुहरुले ती सबैलाई लक्षित गरेर फिल्म कलेज खोलेका उनले बताए। यो कलेजले चलचित्र लेखन/निर्देशन, दृष्य सम्पादन, छायाँकन, अभिनय र ध्यनीसम्बन्धी पाँच विषयमा स्नातक गराउने छ। अरु कलेज भन्दा शुल्क थोरै राखिएको र आफुहरुले केही विधार्थीहरुलाई स्कलर शिपको व्यवस्था गर्ने पनि उनले बताए। प्रिन्सिपल उप्रेतीका अनुसार यो कलेजमा हलिउड, बलिउडसहित श्रीलंका, भुटान र नेपालका फिल्म विज्ञहरुले यी पाँच विषयमा पढाउने छन्। नियमित र भिजिटर टिचर गरेर ६० जनाको भन्दा ठुलो टिम रहेको पनि उनले बताए।

अग्रज छायाँकन मञ्जुकुमार श्रेष्ठले अन्तराष्ट्रिय स्तरको फिल्म क्याम्पस नेपालमा स्थापना हुनु खुसीको खबर भएको बताए। यो क्याम्पसले सिनेमाका दक्ष व्यक्तिहरु नेपाली चलचित्र उद्योगको लागि उत्पादन गर्ने विश्वास उनले व्यक्त गरे। चलचित्र विकास बोर्डका अध्यक्ष केशव भट्टराईले गुणस्तरीय चलचित्र शिक्षाका लागि स्थापना भएको यो कलेजले नेपाली चलचित्र उद्योगको विकासमा ठुलो टेवा पु-याउने विश्वास आफुले लिएको बताए। सैद्धान्तिकसँगै प्राविधिक रुपमा दक्ष विद्यार्थी यो क्याम्पसले जन्माउने र त्यस्ता विधार्थीले राम्रो चलचित्र निर्माण गरेर अन्तराष्ट्रिय बजारमा पु¥याउने छ भने।

क्याम्पसका लागि परेको सहयोग गर्न आफुहरु तयार रहेको पनि अध्यक्ष भट्टराईले बताए।नागरिक न्युज

Tags

Related Articles

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.

Back to top button
Close