ओलम्पिक छनोटको मिति तय गर्न आईओसीको निर्देशन

७ जेठ काठमाडौं । अन्तर्राष्ट्रिय ओलम्पिक कमिटी (आईओसी)ले टोकियो ओलम्पिकका लागि छनोट प्रतियोगिताको मिति तय गर्न सबै अन्तर्राष्ट्रिय महासंघलाई निर्देशन दिएको छ ।

कोरोनाभाइरस महामारीका बीच प्रतियोगिता रद्द गर्न सकिने सहित गर्नेसहित सबै घटनाहरुको योजना बनाउन सहयोग गर्न आईओसीले महासंघलाई भनेको छ ।गत महिना आईओसीले टोकियो ओलम्पिक छनोटका लागि २९ जुन २०२१ सम्मको नयाँ टाइमलाइन दिएको थियो । विश्वभर महामारीको रुपमा फैलिएको कोरोना भाइरसका कारण यस वर्ष तय भएको ओलम्पिक एक वर्ष पछिलाई सारिएको हो । आईओसीले अन्तर्राष्ट्रिय महासंघको क्यालेन्डरमा देखिएको अनिश्चितताका कारण प्रतियोगिताको समय र स्थान निर्धारण हुन बाँकी रहेको जनाएको छ । ‘अन्तर्राष्ट्रिय महासंघको क्यालेन्डरमा देखिएको अनिश्चितताको कारण अझै पनि केही प्रतियोगिताको मिति र स्थानको तय हुन बाँकी छ । प्रतियोगिताको मितिहरु र स्थानहरु टुङ्गो भएपछि हामीलाई सूचित गराउन अनुरोध गर्छौँ । जसलाई सकेसम्म चाँडो छनोट प्रणालीमा समावेश गर्न सकियोस्,’ आईओसीले भनेको छ ।

संशोधित छनोट प्रणाली बनेपछि आईओसीको स्पोर्ट्स अपरेसन म्यानेजरले सम्भावित आकस्मिक योजनाको बारेमा महासंघसँग नजिकबाट सहयोग जारी राख्ने र ओलम्पिक छनोट प्रतियोगिता हुन नसकने अवस्थामा पनि काम गर्ने आईओसीले जनाएको छ । आईओसीले जुलाईसम्मका यो यो योजनाहरु बनिसक्ने आशा राखेको छ । ‘हामी जुलाईमा यी योजनाहरू तयार पार्न चाहन्छौं र त्यसपछि विश्वव्यापी अवस्थाको विकासको आधारमा हामी तपाईंसँग छलफल गर्न सक्दछौं यदि यी आकस्मिक योजनाहरू प्रकाशित गर्नु आवश्यक छ र आधिकारिक रूपमा सहमति अनुसार उनीहरूला व्यक्तिगत छनोट प्रणालीमा समावेश गर्न सकिन्छ,’ आईओसीले भनेको छ । आईओसी स्पोर्ट्स डिपार्टमेन्ट र अन्तर्राष्ट्रिय महासंघहरूले छनोट प्रणालीको आवश्यक अनुकुलनलाई अन्तिम रूप दिन काम गरिरहेको आईओसीले जनाएको छ । जसको मुख्य उद्देश्य छनोट प्रणालीको संरचनालाई आईओसी कार्यकारी बोर्डले फेब्रुअरी २०१८ मा स्वीकृत गरेको छनोट प्रणालीको जतिसक्दो नजिक रहेर कार्यान्वयन गर्नु हो ।

यस्तै आईओसीले टोकियो ओलम्पिकलाई कम खर्च हुने खेल बनाउनसमेत काम गरिरहेको जनाएको छ ।

Related Articles

Leave a Reply

Your email address will not be published. Required fields are marked *

Back to top button
Close