२५ भदौ, काठमाडौं। उद्योगमन्त्री गौरीकुमारी यादवले पदबाट राजीनामा दिएकी छन् ।
उनका संचार संयोजक कमल चौलागाईंले जानकारी दिएअनुसार, यादवले प्रधानमन्त्री बालेन शाहलाई राजीनामा बुझाएकी हुन् । बुधबार संसदीय समितिमा मन्त्री यादवले ग्यास उद्योगीहरूलाई जिम्मेवार ठहराउँदै विवादास्पद अभिव्यक्ति दिएका थिए, जसका कारण उद्योगीहरूले आपत्ति जनाएर प्रधानमन्त्रीसमक्ष ध्यानाकर्षण गराएका थिए ।
उद्योग, वाणिज्य तथा आपूर्तिमन्त्री गौरीकुमारी यादवले उद्योग समितिको बैठकमा भनेकी थिइन्, अहिलेको ग्यास अभाव उद्योगीका कारण भएको हो, र समस्या समाधानका लागि उनीहरूलाई कडा कदम चाल्नुपर्छ । उनले हाल सञ्चालनमा रहेका ५८ वटै ग्यास उद्योगको लाइसेन्स खारेज गर्नुपर्ने र मात्रै दुईवटा उद्योग पर्याप्त हुने बताएकी थिइन्
यस समय काठमाडौं उपत्यकामा खाना पकाउने ग्यासको भारी कमी छ । उपभोक्ताहरू एउटा सिलिन्डर पाउन दिनरात लाइनमा बस्न बाध्य छन्, र यदि ग्यास पाइहाले पनि, दुई हजार ६० रुपैयाँको ग्यासलाई तीन हजार रुपैयाँसम्म तिर्नुपर्छ । नेपाल आयल निगम र उद्योग मन्त्रालयले ग्यास आइरहेको जानकारी सार्वजनिक गर्दा पनि बजारस्थिती उत्साहजनक छैन । उपभोक्ताहरू घण्टौं लाइनमा बसेर पनि ग्यास पाउन संघर्ष गरिरहेका छन् ।
