राष्ट्रिय सहमतिमा संविधान संशोधन गर्नु उपयुक्त हुन्छ− बाबुराम भट्टराई
पूर्वप्रधानमन्त्री डा. बाबुराम भट्टराईले भनेका छन् कि संविधान संशोधनका लागि लोकतान्त्रिक उपलब्धिलाई ध्यानमा राख्दै राष्ट्रिय सहमति जुटाउनु उपयुक्त हुनेछ ।
संविधान दिवसको अवसरमा रासससँगको कुराकानीमा भट्टराईले सुधार गर्दा संविधानको मूल आधारलाई कमजोर बनाउन नहुने बताए । उनले सङ्घीय लोकतान्त्रिक गणतन्त्र, धर्मनिरपेक्षता, सङ्घीयता, र समावेशी लोकतन्त्रजस्ता उपलब्धिहरूलाई सुरक्षित गर्दै संविधानमा रहेका अपूर्णताहरूलाई सुधार्नुपर्ने कुरा उठाए ।
उनका अनुसार अहिलेको अन्योलपूर्ण अवस्थाबाट विवेकपूर्ण ढङ्गले राष्ट्रिय सहमति जुटाएर अगाडि बढ्ने वातावरण तयार पार्दा मात्र संविधान संशोधन गर्नु फलदायी हुनेछ । संविधान संशोधन सही दिशा तर्फको हुनुपर्ने बताउँदै, भट्टराईले आवेशमा आएर सम्पूर्ण विषयलाई लिएर चल्दा प्राप्त उपलब्धि गुम्न सक्ने चेतावनी दिए ।
उनले शासकीय प्रणाली, सङ्घीयताको सीमाना र नामाङ्कन तथा न्यायालयको संरचनामा अपूर्णता रहेको कुरामा जोड दिएका छन् ।उनका अनुरूप शासकीय प्रणालीमा प्रत्यक्ष निर्वाचित राष्ट्रपति र पूर्ण समानुपातिक संसदको व्यवस्था हुनु आवश्यक छ । भट्टराईले भने, कि संविधान संशोधन गर्दा यसको मूल जग सुरक्षित राखिएर मात्र अन्य सुधार गरिनुपर्छ, अन्यथा घरको जग भत्काएर मात्रअगाडि बढ्न खोज्दा त्यसको सकारात्मक परिणाम प्राप्त नहुने हो ।
