केएफटी नेपालद्वारा बाल-बालिकाहरुलाई ज्याकेट वितरण
पौष २६, काठमाडौँ, राजकुमार सुब्बा। बालबालिकाको क्षेत्रमा बिगत केहि बर्ष देखि काम गरिरहेको संस्था केएफटी नेपालले यस बर्षको जाडो याममा ललितपुरका जोखिममा रहेका लगभग ४० बाल-बालिकाहरुलाई ज्याकेट वितरण गरेको छ।
उक्त संस्थाले कोभिड-१९ को पहिलो र दोस्रो लहरको लकडाउनको समयमा पनि दुबै पटक ५० भन्दा बढी विभिन्न बालगृहहरुमा मास्क, सेनिटाईजर र डिसइन्फेक्टेन्ट केमिकल जस्ता स्वास्थ्य सामाग्रीहरु समेत वितरण गरेको थियो। पुन: उपत्यका र उपत्यका बाहिर बिभिन्न ठाउँमा जोखिममा परेका बाल-बालिकाहरुका लागि तत्कालै केही ज्याकेटहरु पठाउन लागिएको समेत उक्त संस्थाका निर्देशक अधिवक्ता भविन्द्र राईले जानकारी गराउनुभयो।
दुइ छुट्टा छुट्टै स्थानमा ५ वर्षा देखि १२ बर्ष उमेरका बालबालिकाहरुलाई न्यानो ज्याकेट वितरण गरेका हुन। निर्देशक राईका अनुसार यस संस्थाले खास गरि जोखिममा परेका बालबालिकाहरुका लागि यस्तै अन्य प्रभावकारी कार्यक्रमहरु निरन्तर गरिरहनेछ।
