‘ओभरअल बेस्ट डेलिगेसन’को उपाधि प्रिमियर स्कुललाई

काठमाडौँ । प्रिमियर इन्टरनेशनल आईबी कन्टिन्युम स्कूलले डिप्लोमाथन वर्ल्ड सिम्पोजियम २०२६ मा लगातार दोस्रो वर्ष ‘समग्रमा उत्कृष्ट प्रतिनिधिमण्डल’को उपाधि जित्न सफल भएको छ ।

प्रतियोगितामा प्रिमियरका विद्यार्थीहरूले उपलब्ध १२ मध्ये ८ वटा पुरस्कार हात पारेका छन् । जलवायु परिवर्तन, विश्व स्वास्थ्य, भविष्यको शिक्षा तथा मिडिया, गेमिङ र मनोरञ्जन जस्ता चारैथरिका समितिहरूमा सहभागी विद्यार्थीले उत्कृष्ट प्रदर्शन गर्दै पुरस्कार जितेका हुन्, जसको जानकारी विद्यालयले जारी गरेको विज्ञप्तिमा गरिएको छ ।

विद्यालयका अनुसार कक्षा ५ देखि १० सम्मका विद्यार्थीहरूले विभिन्न विधामा उल्लेखनीय सफलता हासिल गरेका छन् ।